ԼԻԲԱՆԱՆՈՒՄ ԲԱԽՈՒՄՆԵՐ ԵՆ ՍԿՍՎԵԼ ԸՆԴԴԻՄՈՒԹՅԱՆ ԵՎ ԿԱՌԱՎԱՐՈՂ
ԿՈԱԼԻՑԻԱՅԻ ԿՈՂՄՆԱԿԻՑՆԵՐԻ ՄԻՋԵՎ
28-11-2007 16:34:00 | Լիբանան | Միջազգային
ԲԵՅՐՈՒԹ, 28 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Տրիպոլիում, Լիբանանի
հյուսիսում, նոյեմբերի 27-ի երեկոյան բախումներ են սկսվել
ընդդիմության եւ կառավարող կոալիցիայի կողմնակիցների միջեւ:
Նախնական տվյալներով, զոհվել է երկու եւ վիրավորվել յոթ մարդ:
Ըստ տեղեկությունների, Աբի Սամրա թաղամասում տեղի ունեցած
ընդհարումները հրահրել են «Թաուհիդ» շարժման արմատականները եւ Սաադ
Հարիրիի խորհրդարանական մեծամասնության դաշինքը պաշտպանող «Քաթայիբ
Թարաբլուս» երիտասարդական կուսակցության անդամները: Ոստիկանությանը
եւ բանակային պարեկներին կեսգիշերի մոտ հաջողվել է վերականգնել
կարգուկանոնը: 370 հազարանոց քաղաքում սահմանվել է պարետային ժամ: