ԵՐԵՎԱՆ, 26 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայկական ատոմային էլեկտրոկայանը նոյեմբերի 24-ին, ժամը 14:20-ին սկսել է աշխատել` միանալով էներգաարտադրության ընդհանուր ցանցին: Այս մասին «ՆՈՅՅԱՆ ՏԱՊԱՆ»-ի թղթակցին հայտնեցին ՀՀ էներգետիկայի նախարարությունից: Նշենք, որ պլանային նորոգման եւ վերալիցքավորման նպատակով ԱԷԿ-ի աշխատանքը 45 օրով դադարեցվել էր: Իսկ այդ աշխատանքները իրականացվել է կայանի ֆինանսական միջոցների հաշվին:

---