ԿԱՍԵՑՎԵԼ Է ՊԱԿԻՍՏԱՆԻ ԱՆԴԱՄՈՒԹՅՈՒՆԸ ԲՐԻՏԱՆԱԿԱՆ
ՀԱՄԱԳՈՐԾԱԿՑՈՒԹՅԱՆԸ
23-11-2007 18:11:00 | ՈՒգանդա | Միջազգային
ԿԱՄՊԱԼԱ, 23 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Բրիտանական
Համագործակցությունը որոշում է ընդունել կասեցնել Պակիստանի
անդամությունը այդ կազմակերպությանը:
Ինչպես հաղորդում է «Դեյ.ազը», այդ որոշումն ընդունվել է
Ուգանդայի մայրաքաղաք Կամպալայում անցկացվող Համագործակցության
նիստում:
Ինչպես նշվում է ընդունված փաստաթղթում, Պակիստանը լրջորեն
խախտել է այն քաղաքական արժեքները, որոնց վրա հիմնվում է
Համագործակցությունը, ուստի եւ հեռացվում է Համագործակցությունից
«քանի դեռ չի վերականգնվել ժողովրդավարությունն ու օրենքի
գերակայությունը երկրում»:
Համագործակցությունը ներառում է 53 պետություն, հիմնականում
Ասիայի եւ Աֆրիկայի երկրներ, որոնք նախկինում եղել են Մեծ
Բրիտանիայի գաղութները, ինչպես նաեւ մի շարք այլ պետություններ: