ԵՐԵՎԱՆ, 19 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հայաստանում Ռուսաստանի Դաշնության դեսպանության աջակցությամբ կանցկացվի ֆուտզալի ուսանողական մրցաշար` նվիրված խորհրդային լեգենդար դարպասապահ Լեւ Յաշինի 75-ամյակին: Մրցաշարին, որի նախաձեռնողներն են «Սլավոնական տուն» հասարակական կազմակերպությունը, Ռուս-Հայկական երիտասարդական միությունը, Ռուս-Հայկական գործարար ամսագիրը եւ Ռուս-Հայկական (Սլավոնական) պետական համալսարանը, կմասնակցեն Հայաստանի տարբեր բուհերի թիմեր: Մրցումները կմեկնարկեն նոյեմբերի 21-ին Երեւանի «Դինամո» մարզադահլիճում:

---