ՀԱՅԱՍՏԱՆԻ ՉԵՄՊԻՈՆԻ ԿՈՉՈՒՄԸ ՆՎԱՃԱԾ ԱՐՏԱՇԵՍ ՄԻՆԱՍՅԱՆԸ
ԸՆԴԳՐԿՎԵՑ ՆԱԵՎ ՀԱՎԱՔԱԿԱՆԻ ԿԱԶՄՈՒՄ
24-09-2004 12:24:00 | Հայաստան | Սպորտ
ԵՐԵՎԱՆ, 24 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Տիգրան Պետրոսյանի
անվան Հայաստանի շախմատիստի կենտրոնական տանը տեղի ունեցավ
հանրապետության տղամարդկանց 64-րդ առաջնության փակման
արարողությունը, որի ժամանակ մեդալներ եւ պարգեւավճարներ
հանձնվեցին մրցանակային տեղեր գրաված շախմատիստներին: ՀՀ
պաշտպանության նախարար, երկրի շախմատային ֆեդերացիայի նախագահ Սերժ
Սարգսյանը ոսկե մեդալ հանձնեց Հայաստանի չեմպիոնի կոչումը նվաճած
Արտաշես Մինասյանին: Արծաթե մեդալով պարգեւատրվեց Կարեն Ասրյանը,
բրոնզե մեդալով` Գաբրիել Սարգսյանը: Բացի այդ, Արտաշես Մինասյանը,
համաձայն կանոնադրության, ընդգրկվեց Հայաստանի հավաքականում, որը
հոկտեմբերի երկրորդ կեսին հանդես կգա շախմատի համաշխարհային
օլիմպիադայում: