ԳՐՈՍՄԱՅՍՏԵՐ ԱՐՏԱՇԵՍ ՄԻՆԱՍՅԱՆ ՀԱՆՐԱՊԵՏԱԿԱՆ ԱՌԱՋՆՈՒԹՅԱՆ
ՄԻԱՆՁՆՅԱ ԱՌԱՋԱՏԱՐՆ Է
15-09-2004 11:44:00 | Հայաստան | Սպորտ
ԵՐԵՎԱՆ, 15 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Ավարտվեց շախմատի
Հայաստանի տղամարդկանց 64-րդ առաջնության 1-ին կեսը:
Հիանալի է հանդես գալիս գրոսմայստեր Արտաշես Մինասյանը: Նա
հաղթել է բոլոր 7 հանդիպումներում եւ 7 միավորով վստահորեն
գլխավորում է առաջնությանը: 2-րդ տեղում է ընթանում Կարեն Ասրյանը,
որը 5 միավոր է վաստակել, 3-րդ տեղում Արման Փաշիկյանն է:
Մյուս մասնակիցների արդյունքներն այսպիսին են. Գաբրիել
Սարգսյան` 4, Արթուր Չիբուխչյան` 2,5, Աշոտ Անաստասյան` 2, Տիգրան
Քոթանջյան եւ Բենիամին Գալստյան` 1,5-ական միավոր:
Հայաստանի շախմատիստի կենտրոնական տանը սեպտեմբերի 15-ին 8-րդ
մրցափուլի հանդիպումներով առաջնությունը կվերսկսվի: Վերջին` 14-րդ
մրցափուլը կանցկացվի սեպտեմբերի 22-ին: