ԿԱՐԵՆ ՄԻՔԱՅԵԼՅԱՆԸ ՃԱՆԱՉՎԵԼ Է ՖՈՒՏԶԱԼԻ 2004 Թ.-Ի ԼԱՎԱԳՈՒՅՆ
ՖՈՒՏԲՈԼԻՍՏ
03-08-2004 18:28:00 | Հայաստան | Սպորտ
ԵՐԵՎԱՆ, 3 ՕԳՈՍՏՈՍԻ, ՆՈՅՅԱՆ ՏԱՊԱՆ: ՀՖՖ-ի մամուլի
քարտուղարության անցկացրած հարցման արդյունքներով ֆուտզալի տարվա
լավագույն ֆուտբոլիստ է ճանաչվել Հայաստանի չեմպիոն «Պոլիտեխնիկ»
թիմի խաղացող Միքայելյանը, որը հավաքել է 96 միավոր: Երկրորդ
հորիզոնականը 89 միավորով զբաղեցրել է նրա թիմակից Գեղամ
Եդիգարյանը, իսկ երրորդը 88 միավորով Արմեն Դանիելյանը («Թալ
Գրիգ»): Չորրորդ տեղում «Փյունիկցի» Արմեն Գյուլամբարյանն է, որը
ստացել է 77 միավոր:
Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի
ֆեդերացիայի Մամուլի քարտուղարությունից, Երեւանի «Դինամո»
մարզադահլիճում օգոստոսի 2-ին տեղի ունեցած «Թալ Գրիգ» -
«Պոլիտեխնիկ» հանդիպումից հետո, որն էլ որոշեց ֆուտզալի 2004
թվականի չեմպիոնին, ՀՖՖ-ի նախագահ Ռուբեն Հայրապետյանը
Կ.Միքայելյանին հանձնեց «Ֆուտզալի 2004 թվականի լավագույն
ֆոտբոլիստ» մրցանակը: «Ֆուտզալի 2004 թվականի լավագույն ռմբարկու»
մրցանակը ՀՖՖ-ի նախագահը հանձնեց Արմեն Գյուլամբարյանին: