ՀՀ ՖՈՒՏԲՈԼԻ ԱՌԱՋՆՈՒԹՅԱՆ ԲԱՐՁՐԱԳՈՒՅՆ ԽՄԲԻ ՄՐՑԱՇԱՐԻՆ ԱՅՍ ՏԱՐԻ
ԵՎՍ ԿՄԱՍՆԱԿՑԵՆ ՈՒԹ ԹԻՄԵՐ
26-01-2004 18:00:00 | Հայաստան | Սպորտ
ԵՐԵՎԱՆ, 26 ՀՈՒՆՎԱՐԻ, ՆՈՅՅԱՆ ՏԱՊԱՆ: Հայկական ֆուտբոլի համար
2004 թվականի մրցաշրջանը հարուստ կլինի իրադարձություններով:
Հանրապետության առաջնությունից ու գավաթի խաղարկությունից բացի
ակումբային ուժեղագույն թիմերը հանդես կգան Չեմպիոնների լիգայի եւ
ՈՒԵՖԱ-ի գավաթի խաղարկություններում, Հայաստանի ազգային հավաքականը
կանցկացնի աշխարհի 2006 թ.-ի առաջնության ընտրական խաղերը, իսկ
պատանեկան 2 հավաքականները կմրցեն Եվրոպայի առաջնությունների 2-րդ
ընտրական փուլում:
Երկրի առաջնության բարձրագույն խմբի մրցաշարին այս տարի եւս
կմասնակցեն 8 թիմեր, իսկ խաղերը կանցկացվեն 4 շրջանով: Ինչ
վերաբերում է 1-ին խմբի մրցաշարին, ապա թիմերի քանակը դեռեւս
ճշտվում է: