Սեպտեմբերի 18-ին «առաքելութիւն Արեւելքէ դանիական մարդասիրական օգնութեան կազմակերպութիւնը նշեց Հայաստանում իր գործունէութեան 20 ամեակը: Հանդիսաւոր միջոցառմանը ներկայ էին հիւրեր Դանիայից, ՀՀ կառավարութիւնից, ԱԺ քաղաքական գործիչներ, միջազգային եւ հասարակական կազմակերպութիւնների ներկայացուցիչներ: Կազմակերպութեան հիմնադիր տնօրէն Քիմ Հարցները պարգեւատրուեց ՀՀ վարչապետ Տիգրան Սարգսեանի յուշամեդալով` կրթութեան եւ առողջապահութեան ոլորտում մեծ ներդրման համար Պարոն Քիմ Հարցներին շնորհակալագիր յանձնեց նաեւ Առողջապահութեան նախարարութիւնը` Հայաստանում կազմակերպութեան կատարած աշխատանքի եւ ներդրումների համար: «առաքելութիւն Արեւելքէ կազմակերպութիւնը գործընկեր կազմակերպութիւններ` «Իոյսի կ'ամուրջ» հաշմանդամութիւն ունեցող երեխաների եւ երիտասարդների իրաւունքների պաշտպանութեան ՀԿ-ին եւ «Արաբկիր» բժշկական համալիրին յանձնեց շնորհակալագրեր` երկար տարիների արդիւնաւէտ աշխատանքի համար: Շնորհակալագրեր յանձնուեցին նաեւ Աշխատանքի եւ սոցիալական հարցերի նախարարութեանը, Առողջապահութեան նախարարութեանը եւ Կրթութեան նախարարութեանը: «Արաբկիր»բժշկական համալիրը «Առաքելութիւն Արեւելք» կազմակերպութեան ողջ անձնակազմին` ի դէմս կազմակերպութեան հայաստանեան մասնաճիւղի տնօրէն Ռաֆի Դուդակլանի, յանձնեց շնորհակալագիր` Հայաստանի առողջապահական ոլորտի զարգացման գործում ներդրած բացառիկ աւանդի համար: «Առաքելութիւն Արեւելք» դանիական օգնութեան եւ զարգացման կազմակերպութիւնը հիմնուել է 1991 թուականին` Ռենէ եւ Քիմ Հարցներների կողմից` օգնելու Արեւելեան Եւրոպայի սոցիալական եւ տնտեսական դժուարին իրավիճակներում յայտնուած երկրներին: տարիների ընթացքում կազմակերպութիւնն առաւել ընդլայնեց իր գործունէութեան աշխարհագրութիւնը Արեւելեան Եւրոպայից մինչեւ Միջին եւ Արեւելեան Ասիայի երկրներ: «Առաքելութիւն Արեւելքն» աշխատում է Հայաստանում, Աֆղանստանում, Բուլղարիայում, Նեպալում, Հիւսիսային Կորէայում, Տաջիկստանում եւ Ռումինիայում: կազմակերպութեան առաքելութիւնն է օգնել աղքատ եւ դժուարին իրավիճակներում յայտնուած մարդկանց, աջակցել յատկապէս գիւղական համայնքների զարգացմանը: Կազմակերպութեան գործունէութեան շրջանակն ընդգրկում է մարդասիրական օգնութիւնից մինչեւ զարգացման ծրագրեր: Դեռեւս 2003 թուականից Առաքելութիւն Արեւելքն իր ծրագրերում առանցքային դեր է յատկացնում հաշմանդամութեան խնդրով զբաղուող հասարակական կազմակերպութիւններին: Կարեւորելով հաշմանդամութիւն ունեցող անձանցով ղեկավարուող կազմակերպութիւնների կայուն զարգացումն ու նրանց միջեւ համագործակցութեան ամրապնդումը Առաքելութիւն Արեւելքն աջակցեց «Հաշմանդամութիւն ունեցող անձանց շահերի պաշտպանութեան» ազգային դաշինքի ստեղծմանն ու ձեւաւորմանը: Մեր երկրի կրթական, առողջապահական եւ սոցիալական ոլորտներում կազմակերպութեան ներդրումը քսան տարիների ընթացքում կազմել է մօտ 30 միլիոն դոլար: «Առաքելութիւն Արեւելք» դանիական մարդասիրական օգնութեան կազմակերպութեան հայաստանեան մասնաճիւղի տնօրէն Րաֆֆի Դուդակլեանն ամփոփելով 20 տարիների գործունէութիւնը նշում է. - մեզ համար այս քսան տարիները պատուաբեր եւ յաջողութիւնների տարիներ են: Իրականացնելով բազմաթիւ ծրագրեր, մեր կազմակերպութիւնը համագործակցել է թէ՛ ՀՀ կառավարութեան եւ թէ՛ հասարակական կազմակերպութիւնների հետ, առաւել սերտ` «յոյսի կ'ամուրջէ Հկ-ի եւ «Արաբկիր բժշկական կենտրոն»-ի հետ, նպաստելով կրթական, առողջապահական, սոցիալական ոլորտների բարեփոխումների իրականացմանը եւ արդիւնաւէտ քաղաքականութեան մշակմանը: Խորապէս շնորհակալ ենք քսան տարիներին մեզ հետ համագործակցող բոլոր գործընկերներին: Ներկայումս «Առաքելութիւն Արեւելքի» ծրագրերն ուղղուած են կրթութեան եւ առողջապահութեան ոլորտների բարեփոխմանը, հաշմանդամութիւն ունեցող անձանց իրաւունքների պաշտպանութեանը: Կազմակերպութիւնը հանդիսանում է Գլոբալ Հիմնադրամի «Աջակցութիւն ՀՀ-ում ՄԻԱՒ /ՁԻԱՀ-ին հակազդման ազգային ծրագրի» հիմնական ռեցիպիենտը:

---