ՀԱՍԿ-ի շրջանակներում ամռանը Հայաստան է ժամանելու 500 հայ
երիտասարդ
17-03-2010 20:45:00 | Հայաստան | Հասարակութիւն
ԵՐԵՎԱՆ, 17 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ՀՀ Սփիւռքի
նախարար Հրանուշ Յակոբեանի հետ մարտի 17-ին կայացած հանդիպման
ժամանակ Հայաստանի ազգային սկաուտական շարժման (ՀԱՍԿ) ատենապետ
Հրաչեա Շմավոնյանը ներկայացրեց 2010թ. յուլիսի 31-ից մինչեւ
օգոստոսի 8-ը շարժման շրջանակներում Հայաստան ժամանող մօտ 500 հայ
երիտասարդների համար մշակած ծրագիրը:
Նախարար Յակոբեանը բարձր գնահատեց շարժման կողմից
երիտասարդության շրջանում օրինակելի, հայրենանուեր, գրագէտ եւ ակտիւ
քաղաքացիներ եւ հայեր դաստիարակելու ուղղութեամբ տարւվող
աշխատանքները: Իսկ շարժման ատենապետը շնորհակալութիւն յայտնեց
նախարարին` շարժման աշխատանքներին մշտապէս աջակցելու համար:
Երկուստեք անդրադառնալով «Արի տուն» ծրագրով եւ ՀՄԸՄ-ի
ջանքերով Հայրենիք ժամանող երիտասարդների համար նախատեսուած
միջոցառումների ժամանակացույցերին` պայմանաւորուածութիւն ձեռք
բերուեց նրանց համար կազմակերպել նաեւ համատեղ
ուսումնադաստիարակչական եւ ժամանցի օրեր:
Ինչպէս յայտնեցին ՀՀ սփիւռքի նախարարութիւնից, հանդիպմանը
մասնակցում էր նաեւ շարժման փոխատենապետ Օշին Փիրումյանը: