ԵՐԵՎԱՆ, 16 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հայաստանում ԱՄՆ-ի դեսպան Մարի Լ. Յովանովիչը, ՀՀ փոխվարչապետ, տարածքային կառավարման նախարար Արմէն Գեւորգեանը, գիւղատնտեսութեան նախարար Գերասիմ Ալավերդեանը սեպտեմբերի 16-ին Արագածոտնի մարզպետ Սարգիս Սահակեանի եւ Կոտայքի մարզպետ Կովալենկո Շահգելդյանի ուղեկցութեամբ այցելել են ՀՄՀ-Հայաստան ծրագրի շրջանակներում վերականգնուող Արզնի-Շամիրամ մայր ջրանցքի վերանորոգուած տեղամաս: Արզնի-Շամիրամ ջրանցքը Հայաստանի մայր ջրանցքների համակարգի այն վեց ջրանցքներից մէկն է, որը վերականգնուելու է ՀՄՀ-Հայաստանի «Ոռոգւող Գիւղատնտեսութիւն» ենթածրագրի շրջանակներում: Այնուհետեւ նրանք այցելել են Արագածոտնի մարզի Կարբի համայնք` ծանօթանալու ջրի ներտնտեսային կառավարման դասընթացների մասնակից ֆերմերի տնտեսութեանը, որտեղ վերջինս կիրառում է գիւղատնտեսական նոր տեխնոլոգիաները: ՀՄՀ-Հայաստան ծրագրի շրջանակներում ֆինանսաւորուել է կաթիլային ոռոգման համակարգի տեղադրումը, որը հնարաւորութիւն է տուել ֆերմերին անցնելու աւելի արդիւնաւէտ եւ շահութաբեր ոռոգմանը: Տուեալ տնտեսութիւնը ՀՄՀ-Հայաստան ծրագրի շրջանակներում ֆինանսաւորւող այն բազմաթիւ ցուցադրական տնտեսություններից մէկն է, որտեղ տեղակայուած են ծրագրի շրջանակներում ձեռք բերուած տեխնիկական սարքաւորումները: Այցելութիւնները նման ցուցադրական տեղամասեր լրացնում են ուսուցման դասընթացներում ձեռք բերուած գիտելիքները` ֆերմերներին հնարաւորութիւն տալով տեսնել, թէ ինչպէս են գործնականում կիրառւում ուսուցանված նոր մօտեցումները: Ըստ «ՆՏ»-ին տրամադրուած հաղորդագրութեան, մինչ օրս ՀՄՀ-Հայաստան ծրագրի «Ոռոգւող գիւղատնտեսութիւն» ենթածրագրի շրջանակներում Հայաստանի մօտ 300 համայնքների աւելի քան 30 հազար ֆերմերներ ուսուցանվել են ջրի կառավարման տեխնոլոգիաների եւ բարձրարժէք գիւղատնտեսութեան թեմաներով: Կոտայքի եւ Արագածոտնի մարզերի 60 համայնքներում ուսուցանված ֆերմերների թիւը կազմում է մօտ 5000:

---