ԵՐԵՎԱՆ, 9 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի կոմունիստական կուսակցութեան կենտկոմի առաջին քարտուղար Ռուբէն Թովմասեանի գնահատմամբ, Ազատութեան հրապարակում ստրոգետնյա աւտոկանգառ կառուցելով` իշխանութիւնները փորձում են «ապականել Օպերայի եւ բալետի ազգային ակադեմիական թատրոնի տարածքը», ինչը, ըստ նրա, «վանդալիզմ» է հայ ժողովրդի պատմութեան նկատմամբ: «Օպերայի շէնքը կառուցուել է 1935թ.-ին Թամանյանի նախագծով, Փարիզում այն արժանացել է ամենամեծ պարգեւների ու մրցանակների, մինչդեռ այսօր նրա տարածքը որոշել են ծառայեցնել օլիգարխների շահերին»,- «ՆՈՅԵԱՆ ՏԱՊԱՆ»-ի թղթակցի հետ զրոյցում ասաց Ռ.Թովմասեանը` համոզմունք յայտնելով, որ այդ ավտոկանգառում կայանվելու են միայն մեծահարուստների, այլ ոչ թէ արուեստի գործիչների կամ ժողովրդի առջեւ վաստակ ունեցող մարդկանց մեքենաները: ՀԿԿ-ի առաջնորդի խօսքերով, խայտառակութիւն է այն միտքն անգամ, որ օպերային ներկայացումների ժամանակ ջիպերն ու միւս արտասահմանեան մակնիշի մեքենաները բարձր ազդանշան տալով` ելումուտ են անելու ստորգետնեայ կանգառ: Ռ.Թովմասյանն անդրադարձաւ վերջին շրջանում ներքաղաքական դաշտում արձանագրուած բռնարարքներին` թաղապետի թեկնածուի շտաբի հրկիզման եւ ՏԻՄ ընտրութիւնների օրը դանակահարության փաստերին: Նա նշեց, որ քանի դեռ երկրում իշխում է ներկայիս ռեժիմը, նման երեւոյթները շարունակական են լինելու: Ըստ նրա, ներկայ հասարակարգի հիմնասյուները բռնութիւնն է, մարդկանց ստրկացումը եւ ճնշումը:

---