Տիեզերական խաղէն մինչեւ գիտափորձեր․ սեպտեմբերի 22–26-ը Հայասատանում Գիտութեան շաբաթ է
18-09-2026 10:37 Հայաստան Գիտութիւն եւ տեխնոլոգիաներ
Տառաչափ՝
Սեպտեմբերի 22–26-ը «Գիտուժ» նախաձեռնութիւնը հրավիրում է մասնակցելու երրորդ համազգային «Գիտութեան շաբաթ․ Հայաստան»-ին՝ «Հետազոտողն ապրում է յուրաքանչյուրիս մէջ» ուղերձով։ Երեւանում եւ մարզերում երեխաներին, ընտանիքներին եւ բոլոր հետաքրքրասերներին սպասվում են աստղադիտում, գիտափորձեր, խաղեր, կինոցուցադրություններ ու հանդիպումներ գիտութեան հետ։
Ծրագրում ընդգրկուած են դպրոցների ու մանկապարտեզների համար գիտական եւ ճարտարագիտական առաջադրանքներով գրքույկներ, հետաքրքիր մրցույթներ արժէքաւոր նվերներով, թանգարանային միջոցառումներ, առցանց խաղեր եւ գիտութեան մասին փոդքասթներ։ Կանցկացվեն «Հայաստանի նորարարութեան պատմութիւնները» ֆիլմաշարի ցուցադրութիւններ, կամփոփվի «Հորիզոնից անդին» գիտաֆանտաստիկ պատմուածքների մրցույթը։ Այս տարվա նորութիւններից է նաեւ «Գիտուժի» եւ «Այլկերպի» համատեղ ստեղծած «Փոքրիկ տիեզերագնաց» սեղանի խաղը՝ 4+ տարեկանների համար։
-Հայաստանի ապագան կախուած է նաեւ նրանից, թէ այսօր որքան ենք խրախուսում հարցեր տվող, փորձարկող ու լուծումներ փնտրող մարդկանց։ Գիտութեան շաբաթով ուզում ենք այդ հնարաւորութիւնը հասցնել յուրաքանչյուր դպրոց, մանկապարտեզ ու ընտանիք։ Մեր նպատակն է, որ այդ հետաքրքրասիրութիւնը շարունակուի ամբողջ տարվա ընթացքում, իսկ գիտութիւնը աւելի մեծ տեղ զբաղեցնի մեր առօրյայում եւ Հայաստանի ապագայի մասին մեր որոշումներում։ Նախորդ տարի մեր միջոցառումներին մասնակցել էին 350-ից աւելի դպրոցներ ու մանկապարտեզներ, իսկ փառատոնին ունեցել ենք 35,000-ից աւելի այցելու, - նշում է «Գիտուժ» նախաձեռնութեան անդամ, «ԼայմՏեխ» եւ «Earlyone» ընկերութիւնների հիմնադիր Գեւորգ Սաֆարյանը։
Գիտութեան շաբաթվա ծրագրին միանում է ՀՀ գիտութիւնների ազգային ակադեմիայի կազմակերպած «Հայաստանում Եվրոպական հետազոտողների գիշեր»՝ ERNA փառատոնը, որի գլխաւոր գործընկերը «Գիտուժն» է։ Փառատոնը կմեկնարկի սեպտեմբերի 25-ին՝ ժամը 17։00-ին Բաղրամեան 24 հասցեում՝ ՀՀ Գիտութիւնների Ազգային Ակադեմիայի տարածքում, եւ կաւարտուի սեպտեմբերի 26-ին՝ ժամը 21։00-ին
Գիտութեան շաբաթվա աջակիցներն են ՀՀ կրթութեան, գիտութեան, մշակույթի եւ սպորտի նախարարութիւնը եւ ՀՀ գիտութիւնների ազգային ակադեմիան։ Տեխնոլոգիական գործընկերն է Team Telecom Armenia-ն, գիտաինտելեկտուալ գործընկերը՝ PMI Science Armenia-ն։
