ՆԱՏՕ-ն Աֆղանստան բեռներ փոխադրելու նոր ուղիներ է փնտրում
09-12-2008 16:50:00 | | Միջազգային
ԼՈՆԴՈՆ, 9 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: ՆԱՏՕ-ի երկրները
Աֆղանստանում գտնուող միջազգային զօրքերի համար նիւթատեխնիկական
ապահովման միջոցների փոխադրման այլընտրանքային երթուղիներ են
փնտրում, քանի որ եղածները վերջին ժամանակներս ենթարկվում են
թալիբների ուժեղ գրոհներին, հաղորդել է բրիտանական «Գարդիան»
թերթը:
Պակիստանում անցած ամսին տեղի ունեցած չորս լուրջ
յարձակումները ամերիկեան եւ ՆԱՏՕ-ական ուղեկցորդ պահակախմբերի վրայ,
որոնցից երկուսը վերջին երեք օրուայ ընթացքում, միջազգային ուժերին
ստիպում են բեռների տեղափոխման համաձայնագրեր կնքել նախկին
Խորհրդային Միութեան հանրապետութիւնների հետ, որոնք հիւսիսից
սահմանակից են Աֆղանստանին:
Ինչպէս նշում է պարբերականը, ներկայումս ՆԱՏՕ-ն
բանակցութիւններ է վարում Թուրքմենիայի, Ուզբեկստանի եւ
Տաջիկստանի հետ: