ՍՈՒԴԱՆՈՒՄ ԱՌԵՎԱՆԳՎԱԾ ԻՆԸ ՉԻՆԱՑԻՆԵՐԻՑ ԵՐԵՔԸ ՍՊԱՆՈՒԵԼ ԵՆ
29-10-2008 17:29:00 | | Միջազգային
ԽԱՐՏՈՒՄ, 29 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Սուդանում առեւանգուած
ինը չինացի նավթագործներից երեքը սպանուեն են պատանդառուների
կողմից: Այս ճշտուած տուեալները յայտնել է երկրի արտաքին գործերի
նախարարի տեղակալ Մուտրիֆ Սիդդիկը: Եվս երեք չինացիներ ազատութեան
մէջ են, սակայն` վիրաւոր: Մնացածների ճակատագրի մասին առայժմ ոչինչ
յայտնի չէ:
Սկզբնապէս Սուդանի իշխանութիւնները հաղորդում էին հինգ
չինացիների սպանութեան մասին: Երկուսը, նրանց տուեալների համաձայն,
փրկվել են, երկուսը` անհետ կորել: Աւելի ուշ ՉԺՀ ԱԳՆ-ում հաստատել
էին Չինաստանի չորս քաղաքացիների սպանութիւնը:
Չինաստանի քաղաքացիները` Չինական ազգային նավթագործական
կորպորացիայի երեք ճարտարագէտներ եւ վեց բանուորներ, որոնք
արդիւնամշակման աշխատանքներ էին կատարում Սուդանի հիմնական
նաւթաբեր Աբիեյի շրջանում, զինուած մի խումբ մարդկանց կողմից
գերեվարուել էին հոկտեմբերի 18-ին Հարաւային Կորդոֆանի նահանգում: