ՖԻՆԼԱՆԴԻԱՅՈՒՄ ՀԱՆԴԻՊԵԼ ԵՆ ՌԴ ԵՎ ԱՄՆ-Ի ԶԻՆՎՈՐԱԿԱՆՆԵՐԸ
22-10-2008 18:16:00 | | Միջազգային
ՀԵԼՍԻՆԿԻ, 22 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: Հոկտեմբերի 21-ին
Ֆինլանդիայի մայրաքաղաք Հելսինկիի արուարձանում կայացել է
Ռուսաստանի ԶՈՒ Գլխաւոր շտաբի պետ Նիկոլայ Մակարովի եւ ԱՄՆ-ի շտաբի
պետերի միացեալ կոմիտէի ղեկավար Մայքլ Մուլենի հանդիպումը:
Ամերիկացի բարձրաստիճան մի զինուորական, մեկնաբանելով
հանդիպման փաստը, «Ֆրանսպրեսին» անանուն մնալու պայմանով յայտնել
է, որ «ստրատեգիական առումով կարեւոր է համարում Ռուսաստանի հետ
ԱՄՆ-ի երկխօսութեան շարունակումը», «իմաստաւորուած
փոխհարաբերությունները» Մոսկուայի հետ տեւական ժամանակամիջոցի
համար:
Ամերիկացի զինվորականը պնդում է, որ Մուլենի հետ անձնական
հանդիպման մասին խնդրել է պարոն Մակարովը, եւ ամերիկացի գեներալը
դա «դրական քայլ» է համարել: Պենտագոնի ներկայացուցիչը յայտնել է,
որ Միացեալ Նահանգները նույնպես կողմնակից է Ռուսաստանի հետ
ռազմական ասպարէզում «բաց երկխօսութիւն», ինչը դադարեցուել էր
Վրաստանի իրադարձութիւններից յետոյ:
Ըստ Նիկոլայ Մակարովի, նա Մայքլ Մուլենի հետ պայմանաւորուել է
քննարկել «ռազմական բնոյթի սկզբունքային հարցերը հեռախօսով կամ
անձնական հանդիպումների ժամանակ»: