ՊԱԿԻՍՏԱՆՈՒՄ ԱՀԱԲԵԿՈՒԹԵԱՆ ՀԵՏԵՒԱՆՔՈՎ ԶՈՀՈՒԵԼ Է 25 ՄԱՐԴ
11-09-2008 14:58:00 | | Միջազգային
ԻՍԼԱՄԱԲԱԴ, 11 ՍԵՊՏԵՄԲԵՐԻ, ՆՈՅԵԱՆ ՏԱՊԱՆ: Պակիստանի
հիւսիս-արեւմտյան Դիրի շրջանում սուննի մահմեդականներին պատկանող
մզկիթի վրայ ահաբեկիչների յարձակման հետեւանքով զոհուել է 25 եւ
մարմնական տարբեր աստիճանի վնասուածքներ ստացել 50 մարդ: Ինչպէս
տեղեկացրել են իրավապահ մարմինների ներկայացուցիչները, զինյալները
նռնակներ են նետել եւ գնդակոծել Բանայ գիւղի մզկիթը:
Գրոհայիններին յաջողուել է թաքնվել:
Ծայրայեղական կազմակերպություններից ոչ մէկը առայժմ չի
ստանձնել այդ յարձակման պատասխանատւութիւնը: Գրոհը ձեռնարկել են,
ինչպէս այստեղ ենթադրում են, շրջանում թալիբների ջոկատներին
հակազդելու մասին տեղի աւագանու որոշումից դժգոհ գրոհայինները:
Պակիստանի վարչապետ Յուսուֆ Ռազա Գիլանին դատապարտել է
ահաբեկութեան կազմակերպիչներին եւ ցավակցություն յայտնել
զոհվածների ընտանիքներին: