ԻՍԼԱՄԱԲԱԴ, 11 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Պակիստանի հյուսիս-արեւմտյան Դիրի շրջանում սուննի մահմեդականներին պատկանող մզկիթի վրա ահաբեկիչների հարձակման հետեւանքով զոհվել է 25 եւ մարմնական տարբեր աստիճանի վնասվածքներ ստացել 50 մարդ: Ինչպես տեղեկացրել են իրավապահ մարմինների ներկայացուցիչները, զինյալները նռնակներ են նետել եւ գնդակոծել Բանայ գյուղի մզկիթը: Գրոհայիններին հաջողվել է թաքնվել: Ծայրահեղական կազմակերպություններից ոչ մեկը առայժմ չի ստանձնել այդ հարձակման պատասխանատվությունը: Գրոհը ձեռնարկել են, ինչպես այստեղ ենթադրում են, շրջանում թալիբների ջոկատներին հակազդելու մասին տեղի ավագանու որոշումից դժգոհ գրոհայինները: Պակիստանի վարչապետ Յուսուֆ Ռազա Գիլանին դատապարտել է ահաբեկության կազմակերպիչներին եւ ցավակցություն հայտնել զոհվածների ընտանիքներին:

---