ՄԱՅԻՍԻՆ ՀԱՅԱՍՏԱՆՈՒՄ ՈՉ ՊԱՐԵՆԱՅԻՆ ԱՊՐԱՆՔՆԵՐԻ ԳՆԵՐԸ 1,3%-ՈՎ
ԱՃԵԼ ԵՆ
02-06-2008 18:00:00 | Հայաստան | Տնտեսութիւն
ԵՐԵՎԱՆ, 2 ՅՈՒՆԻՍԻ, ՆՈՅԵԱՆ ՏԱՊԱՆ: Հայաստանի ոչ պարենային
ապրանքների շուկայում 2008թ. մայիսին ապրիլի համեմատ գրանցուած 1,3%
գնաճի վրայ իր որոշակի ազդեցութիւնն է թողել բենզինի եւ դիզելային
վառելիքի, համապատասխանաբար, 5,7% եւ 7,5% գնաճը:
ՀՀ Ազգային վիճակագրական ծառայութեան տուեալներով,
շինանիւթերի ապրանքախմբում 2008թ. մայիսին 2007թ. մայիսի համեմատ
արձանագրուել է 4%, իսկ 2008թ. ապրիլի համեմատ` 2,1% գնաճ: Վերջինս
մեծապէս պայմանաւորուել է գաջի եւ ցեմենտի, համապատասխանաբար, 2,8%
եւ 7,3% գնաճով:
Տեքստիլեղենի, խոհանոցային սպասքի, գրենական պիտոյքների,
ոսկերչական ապրանքների, դեղամիջոցների, գեղայարդարման ապրանքների,
կահոյքի, կենցաղային էլեկտրաապրանքների, այգեգործական, անձնապիտոյ
ապրանքների, կոշկեղենի, լւացող միջոցների ապրանքախմբերում 2008թ.
մայիսին ապրիլի համեմատ գրանցուել է 0,1-1,7% գնաճ: Մշակոյթի
ապրանքների եւ վառելիքի գները նշուած ժամանակահատուածում նուազել են
2-0,7%-ով, իսկ գորգեղէնի գների մակարդակը նախորդ ամսուայ համեմատ
մնացել է անփոփոխ: