ՄՈՆՂՈԼԻԱՅՈՒՄ ՁԵՐԲԱԿԱԼՈՒԵԼ ԵՆ ԱՆԿԱՐԳՈՒԹԻՒՆՆԵՐԻ 700-ԻՑ ԱՒԵԼԻ
ՄԱՍՆԱԿԻՑՆԵՐ. ԿԱՆ ԶՈՀՎԱԾՆԵՐ
02-07-2008 17:10:00 | | Միջազգային
ՈՒԼԱՆ-ԲԱՏՈՐ, 2 ՅՈՒԼԻՍԻ, ՆՈՅԵԱՆ ՏԱՊԱՆ: Մոնղոլիայի
մայրաքաղաքում գիշերային խժդժություններից յետոյ իրավապահ
մարմինները ձերբակալել են 718 մարդու, հաղորդում է ԻՏԱՌ-ՏԱՍՍ-ը:
Ոստիկանութեան տուեալներով, բախումներում զոհուել է հինգ,
տուժել 220 մարդ, որոնցից 97-ը` ոստիկաններ: Հիւանդանոց է
տեղափոխուել 31 մարդ:
Մոնղոլիայի նախագահ Նամբար էնխբայարի հրամանագրով յուլիսի
1-ից արտակարգ դրութիւն է մտցուել երկրի մայրաքաղաք Ուլան-Բատորում
չորսօրեայ ժամկէտով:
Անկարգութիւնները կազմակերպած ընդդիմությունը մեղադրում է
կառավարող Մոնղոլիայի ժողովրդա-յեղափոխական կուսակցութեանը
ընտրութիւնների արդիւնքները «կեղծելու» մէջ եւ պահանջում է
վերահաշուարկել ձայները կամ անցկացնել նոր քվեարկություն: