ԱՄՆ-Ն ԵՎ ԵՄ-Ն ԱՌԱՋԱՐԿՈՒՄ ԵՆ 120 ՕՐՈՎ ՅԵՏԱՁԳԵԼ ԿՈՍՈՎՈՅԻ
ԱՆԿԱԽՈՒԹԵԱՆ ԾՐԱԳՐԻ ԸՆԴՈՒՆՈՒՄԸ
20-06-2007 21:40:00 | ԱՄՆ | Միջազգային
ՆՅՈՒ ԵՈՐՔ, 20 ՅՈՒՆԻՍԻ, ՆՈՅԵԱՆ ՏԱՊԱՆ: ԱՄՆ-ի եւ Եւրամիութեան
անդամ երկրների պատուիրակութիւնները կազմել են ՄԱԿ-ի Անվտանգութեան
խորհրդի բանաձեւի նոր նախագիծ, ըստ որի, առաջարկւում է 4 ամսով
յետաձգել Կոսովոյին անկախութիւն շնորհելու մասին ծրագիրը: Այդ
ընթացքում միջոցներ կձեռնարկուեն այս հարցում Ռուսաստանի
դժգոհութիւնը հարթելու համար:
Ինչպէս տեղեկացնում է «Ռոյթերս» գործակալութիւնը, ՄԱԿ-ի մի
շարք անդամ պետութիւններ կասկած են յայտնել` կտայ արդեօք Մոսկուան
իր հաւանութիւնը այդ նախագծին:
Բանաձեւի նախագիծը Սերբիայի եւ Կոսովոյի ներկայացուցիչներին
ընձեռում է նաեւ լրացուցիչ բանակցութիւնների հնարաւորութիւն:
Նշւում է, որ եթէ 120 օրուայ ընթացքում բանակցութիւնները որեւէ
արդիւնք չտան, ապա մեխանիկօրէն ուժի մէջ է մտնելու ՄԱԿ-ի յատուկ
ներկայացուցիչ Մարտի Ահտիսաարիի` Կոսովոյին անկախութիւն շնորհելու
ծրագիրը: