ՀԱՅԱՍՏԱՆՈՒՄ ՏԱՐԷՑՏԱՐԻ ԱՃՈՒՄ ԵՆ ՈՒՂԵՎՈՐԱՀՈՍՔԵՐԻ ԾԱՒԱԼՆԵՐԸ
31-01-2007 18:50:00 | Հայաստան | Հասարակութիւն
ԵՐԵՎԱՆ, 31 ՅՈՒՆՎԱՐԻ, ՆՈՅԵԱՆ ՏԱՊԱՆ: 2006թ.-ին Հայաստան
ժամանողների թուաքանակը 21 հազար 800-ով գերացանցել է մեկնողների
թուաքանակին. ժամանել է 983 հազար մարդ, մեկնել` 961 հազարը: Ինչպէս
յունվարի 31-ի ասուլիսում յայտնեց ՀՀ Տարածքային կառավարման
նախարարութեան Միգրացիոն գործակալութեան պետ Գագիկ Եգանեանը,
2004թ.-ից ի վեր հանրապետութիւնում արձանագրւում է միգրացիայի
դրական սալդո: Ըստ նրա, վերլուծութիւնները ցոյց են տալիս, որ
միգրացիան սեզոնային բնոյթ ունի` կապուած ամանորի
տոնակատարությունների եւ արտագնայ սեզոնային աշխատանքի մեկնելու
հետ: Ըստ այդմ, յունուար-մայիս ամիսներին սովորաբար գրանցւում է
միգրացիայի բացասական, յունիս-յուլիսին` դրական,
օգոստոս-սեպտեմբերին` բացասական, իսկ հոկտեմբեր-դեկտեմբերին`
դրական սալդո:
Գ.Եգանեանը յայտնեց նաեւ, որ տարէցտարի աճում են
ուղեւորահոսքերի ծաւալները: Ըստ նրա, 2006թ.-ին ուղեւորահոսքերի
ընդհանաուր ծաւալը նախորդ տարուայ համեմատ աճել է 15,9%-ով:
Գ.Եգանեանի դիտարկմամբ, աճում են յատկապէս ցամաքային
(աւտոմոբիլային եւ երկաթուղային) սահմանակետերով անցնող
ուղեւորահոսքերի ծաւալները, ինչը 2006թ.-ին կազմել է 38%: Ընդ
որում, այդ ցուցանիշը վերջին 2 տարուայ ընթացքում մօտ 2,5 անգամ աճել
է: Գ.Եգանեանի կարծիքով, դա պայմանաւորուած է նաեւ այն հանգամանքով,
որ օդային ուղեւորափոխադրումներն աւելի թանկ են, քան ցամաքայինը:
Ըստ նրա, եթէ 2004թ.-ին 5 ուղեւորներից մէկն էր ցամաքային
ճանապարհով սահմանը յատում, ապա 2006թ.-ից` 3-ից մէկը: