ՀԱՅԱՍՏԱՆՈՒՄ ՏԱՐԵՑՏԱՐԻ ԱՃՈՒՄ ԵՆ ՈՒՂԵՎՈՐԱՀՈՍՔԵՐԻ ԾԱՎԱԼՆԵՐԸ
31-01-2007 18:50:00 | Հայաստան | Հասարակություն
ԵՐԵՎԱՆ, 31 ՀՈՒՆՎԱՐԻ, ՆՈՅՅԱՆ ՏԱՊԱՆ: 2006թ.-ին Հայաստան
ժամանողների թվաքանակը 21 հազար 800-ով գերացանցել է մեկնողների
թվաքանակին. ժամանել է 983 հազար մարդ, մեկնել` 961 հազարը: Ինչպես
հունվարի 31-ի ասուլիսում հայտնեց ՀՀ Տարածքային կառավարման
նախարարության Միգրացիոն գործակալության պետ Գագիկ Եգանյանը,
2004թ.-ից ի վեր հանրապետությունում արձանագրվում է միգրացիայի
դրական սալդո: Ըստ նրա, վերլուծությունները ցույց են տալիս, որ
միգրացիան սեզոնային բնույթ ունի` կապված ամանորի
տոնակատարությունների եւ արտագնա սեզոնային աշխատանքի մեկնելու
հետ: Ըստ այդմ, հունվար-մայիս ամիսներին սովորաբար գրանցվում է
միգրացիայի բացասական, հունիս-հուլիսին` դրական,
օգոստոս-սեպտեմբերին` բացասական, իսկ հոկտեմբեր-դեկտեմբերին`
դրական սալդո:
Գ.Եգանյանը հայտնեց նաեւ, որ տարեցտարի աճում են
ուղեւորահոսքերի ծավալները: Ըստ նրա, 2006թ.-ին ուղեւորահոսքերի
ընդհանաուր ծավալը նախորդ տարվա համեմատ աճել է 15,9%-ով:
Գ.Եգանյանի դիտարկմամբ, աճում են հատկապես ցամաքային
(ավտոմոբիլային եւ երկաթուղային) սահմանակետերով անցնող
ուղեւորահոսքերի ծավալները, ինչը 2006թ.-ին կազմել է 38%: Ընդ
որում, այդ ցուցանիշը վերջին 2 տարվա ընթացքում մոտ 2,5 անգամ աճել
է: Գ.Եգանյանի կարծիքով, դա պայմանավորված է նաեւ այն հանգամանքով,
որ օդային ուղեւորափոխադրումներն ավելի թանկ են, քան ցամաքայինը:
Ըստ նրա, եթե 2004թ.-ին 5 ուղեւորներից մեկն էր ցամաքային
ճանապարհով սահմանը հատում, ապա 2006թ.-ից` 3-ից մեկը: