ԵՐԵՎԱՆ, 27 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Դեկտեմբերի 28-ին ՀՀ առաջին տիկին Բելա Քոչարեանը այցելել է Երեւանի Նորքի տուն-ինտերնատ: Հաստատութիւնում ներկայումս ապրում են 230 տարեցներ: Տուն-ինտերնատում կայ հանգստի սենեակ, գրադարան, խաղասրահ: Ինչպէս նշեց ինտերնատի տնօրէն Արամայիս Ալոյեանը, ամէն ինչ արւում է տարեցների առօրեան հետաքրքիր կազմակերպելու համար: Նշուեց, որ ինտերնատում կազմաւորուել է աւագների խորհուրդ, որը մասնակցում է հաստատութեան բնակիչների առօրեայի կազմակերպման, սննդի եւ այլ հարցերի լուծմանը: ՀՀ արտոգործնախարարի տիկնոջ` Նանի Օսկանեանի, նախաձեռնութեամբ վերանորոգուել են տուն ինտերնատի շէնքի որոշ հատուածներ: Ն.Օսկանեանը վստահեցրեց, որ այդ ծրագիրը շարունակական է լինելու: Նշենք, որ նոյն օրը կայացաւ ինտերնատի երկու բնակիչների ամուսնութիւնը, որը թւով յոթերորդն էր:

---