ԵՐԵՎԱՆ, 27 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Դեկտեմբերի 28-ին ՀՀ առաջին տիկին Բելա Քոչարյանը այցելել է Երեւանի Նորքի տուն-ինտերնատ: Հաստատությունում ներկայումս ապրում են 230 տարեցներ: Տուն-ինտերնատում կա հանգստի սենյակ, գրադարան, խաղասրահ: Ինչպես նշեց ինտերնատի տնօրեն Արամայիս Ալոյանը, ամեն ինչ արվում է տարեցների առօրյան հետաքրքիր կազմակերպելու համար: Նշվեց, որ ինտերնատում կազմավորվել է ավագների խորհուրդ, որը մասնակցում է հաստատության բնակիչների առօրյայի կազմակերպման, սննդի եւ այլ հարցերի լուծմանը: ՀՀ արտոգործնախարարի տիկնոջ` Նանի Օսկանյանի, նախաձեռնությամբ վերանորոգվել են տուն ինտերնատի շենքի որոշ հատվածներ: Ն.Օսկանյանը վստահեցրեց, որ այդ ծրագիրը շարունակական է լինելու: Նշենք, որ նույն օրը կայացավ ինտերնատի երկու բնակիչների ամուսնությունը, որը թվով յոթերորդն էր:

---