ԶՀԳ-Ն ՀԲ-Ի ՏՐԱՄԱԴՐԱԾ 2 ՄԼՆ ԴՈԼԱՐ ԴՐԱՄԱՇՆՈՐՀԱՅԻՆ ՄԻՋՈՑՆԵՐՈՎ
ԿԻՐԱԿԱՆԱՑՆԻ ՏԵԽՆԻԿԱԿԱՆ ԱՋԱԿՑՈՒԹԵԱՆ ՔԱՌԱՄՅԱ ԾՐԱԳԻՐ
21-12-2007 21:40:00 | Հայաստան | Տնտեսութիւն
ԵՐԵՎԱՆ, 21 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Զարգացման հայկական
գործակալութիւնը (ԶՀԳ) Համաշխարհային բանկի (ՀԲ) հետ սկզբունքային
պայմանաւորուածութիւն է ձեռք բերել առաջիկայ 4 տարիներին
դրամաշնորհային տեխնիկական աջակցութիւն ստանալու վերաբերեալ: Այս
մասին դեկտեմբերի 21-ին յայտնեց ԶՀԳ-ի գլխաւոր տնօրէն Տիգրան
Դավթեանը` պաշտօնավարման 100 օրուան նուիրուած ասուլիսի ժամանակ:
Նրա խօսքերով, ԶՀԳ-ին ՀԲ-ի միջոցով տարեկան 500 հազար ԱՄՆ
դոլար արժողութեամբ տեխնիկական աջակցութեան տրամադրման
համաձայնութիւն է յայտնել Նիդեռլանդների կառավարութիւնը: Վերջինս
եւ ՀԲ-ն արդէն ստորագրել են համապատասխան համաձայնագիր: ՀԲ-ում
նշուած տեխնիկական աջակցութեան ծրագրի իրականացման ընթացակարգերի
հաստատումից յետոյ` 2008թ.-ի սկզբին, ՀԲ-ի եւ ՀՀ կառավարութեան
միջեւ կկնքուի համապատասխան պայմանագիր: Այդ ծրագրի շրջանակներում
ԶՀԳ-ն աջակցութիւն կստանայ արտահանման խթանման, ներդրումների
ներգրաւման, գործարար համաժողովների, մարքեթինգային
հետազօտութիւնների կազմակերպման համար: «Այդ ռեսուրսի առկայութեան
պարագայում մեր հզորությունները գրեթէ կկրկնապաըկվեն, քանի որ
2007թ.-ին մեք աշխատել ենք միայն պետբիւջէտային ֆինանսավորմամբ,
որը բաւականին սահմանափակ է»,- նշեց ԶՀԳ-ի գլխաւոր տնօրէնը:
Նշենք, որ 2003-05թթ.-ին ՀԲ-ի 1 մլն դոլար վարկային
միջոցներով իրականացուել է «Արտահանման խթանման եւ ներդրումների
ներգրաւման» ծրագիրը:
Ըստ Տ.Դաւթեանի, վերջին մի քանի ամիսներին ԶՀԳ-ն աջակցութիւն
ստանալու հարցերով ինտենսիվ բանակցութիւններ է վարել Հայաստանում
գործող նաեւ այլ «առեւտրատնտեսական եւ ֆինանսատնտեսական միջազգային
կազմակերպութիւնների հետ, եւ գրեթէ բոլորի հետ ձեռք են բերուել
նախնական սկզբունքային պայմանավորվածություններ կամ ստորագրուել են
որոշակի փաստաթղթեր»: Մասնաւորապէս, ՄԱԿ-ի Զարգացման ծրագրի հետ
պայմանանավորվածություն է ձեռք բերուել Հայաստանի մարզերի տնտեսական
զարգացման, ԱՄՆ Միջազգային զարգացման գործակալութեան հետ` մշակւող
«Տեղեկատուական տեխնոլոգիաների ոլորտի զարգացման հայեցակարգ»-ով
նախանշվելիք ծրագրերի իրականացման համար տեխնիկական աջակցութիւն
ստանալու հարցում: