ԵՐԵՎԱՆ, 19 ՄԱՅԻՍԻ, ՆՈՅՅԱՆ ՏԱՊԱՆ: Եվրոպայի հայկական միությունների ֆորումի (ԵՀՄՖ) նախագահ Աշոտ Գրիգորյանի եւ Սլովակիայի առաջին Ազգային Խորհրդի նախագահ, ներկայումս Ազգային Խորհրդի պատգամավոր Ֆրատիշեկ Միկլոշկու գլխավորած պատվիրակությունը մայիսի 21-ի ժամը 12.15-ին կայցելի Ծիծեռնակաբերդի հուշահամալիր եւ ծաղկեպսակ կդնի: Այս մասին «ՆՏ»-ին հայտնեց ԵՀՄՖ-ի մամուլի խոսնակ Սերգեյ Բարսեղյան: Նա նշեց, որ Սլովակիայի Ազգային Խորհրդում Հայոց ցեղասպանության ընդունման բանաձեւը ներկայացվել է Ֆ.Միկլոշկու կողմից, եւ 2004թ.-ի նոյեմբերի 30-ին Սլովակիան պաշտոնապես ընդունել է հայոց ցեղասպանության փաստը:

---