ԱՄՆ-ն Agile Spirit-2016 զորավարժությունների մասնակցության համար Վրաստան է հասցրել ռազմական ծանր տեխնիկայի խմբաքանակ
01-09-2016 12:35:10 | ԱՄՆ | Միջազգային
ԱՄՆ-ն ծովային ճանապարհով Վրաստան է հասցրել ռազմական ծանր տեխնիկայի խմբաքանակ Agile Spirit-2016 զորավարժությունների մասնակցության համար: tass.ru-ի փոխանցմամբ` այդ մասին հաղորդվել է ԱՄՆ-ի ծովային կորպուսի պաշտոնական կայքում:
Աղբյուրի տեղեկացմամբ` ԱՄՆ-ի ծովային կորպուսի աշխատակիցները մոտավորապես մեկ շաբաթ առաջ ռազմական տեխնիկան բեռնել են երկաթգծային վագոններ, որոնք գտնվել են Բուլղարիայի Նովո Սելո զորավարժարանում:
Նշվում է, որ տանկերով, բեռնատարերով, դեսանտային մեքենաներով և հրետանային զինամթերքով բեռնված վագոնները Բուլղարիայից լաստանավով տեղափոխվել են Վրաստան:
Հուլիսի կեսերին Վրաստանի Պաշտպանության նախարարությունը հաղորդել էր, որ ընթացիկ տարվա սեպտեմբերի սկզբին Վրաստանում անցկացվելու են ամենամյա միջազգային Agile Spirit զորավարժությունները: Դրանցում մասնակցելու են Վրաստանի, ԱՄՆ-ի, Բուլղարիայի, Ռումինիայի, Լատվիայի, Թուրքիայի և Ուկրաինայի Զինված ուժերի ներկայացուցիչները:
ՀԱՅԵՐԵՆ
Русский
English
Դաս. հայերեն
French
