Արաբկիրում «Ծառուկյան դաշինքը» գրոհելու է երկու ճակատով.«Հրապարակ»
21-02-2017 11:39:58 | Հայաստան | Ի՞նչ է գրում մամուլը
Արաբկիր համայնքն ընդգրկող թիվ 2 ընտրատարածքում «Ծառուկյան դաշինքը» ռեյտինգային կարգով առաջադրել է պատգամավոր Տիգրան Ուրիխանյանին՝ համարելով, որ այդ տարածքներում ընդդիմադիր կամ անկախ քաղաքացիներն առավել շատ են, եւ նրանց քվեն կգնա Ուրիխանյանի օգտին:
Միեւնույն ժամանակ նույն դաշինքից առաջադրվել է Զոհրաբ Զոհրաբյանը, որի մասնակցությամբ փորձելու են տանել թաղի տղերքի, ապաքաղաքական բնակիչների ու ավանդաբար ընտրական շտաբային գործերով զբաղվողների ձայները: Այդ տիրույթում Արաբկիրում մրցելու է նաեւ հանրապետական Սասի Արտակը: