Հիմա գնդակը բացառապես իշխանության դաշտում է, և նրանք պետք է լույս սփռեն այս գործընթացի վրա. Իվետա Տոնոյանը՝ Արթուր Վանեցյանի հրաժարականի մասին
17-09-2019 12:38:29 | Հայաստան | Քաղաքական
Հիմա գնդակը բացառապես իշխանության դաշտում է, և նրանք պետք է լույս սփռեն այս գործընթացի վրա:
Այս մասին սեպտեմբերի 17-ին Ազգային ժողովում տեղի ունեցած խորհրդարանական ճեպազրույցի ընթացքում նշել է ԲՀԿ խմբակցության պատգամավոր Իվետա Տոնոյանը:
Ըստ նրա՝ առաջիկայում ամեն ինչ պարզ կդառանա, և Ա. Վանեցյանն առիթ կունենա պարզաբանելու, թե ինչ էր ակնարկում իր հրաժարականի տեքստում:
«Ինձ այս գործընթացում մեկ այլ հանգամանք է զարմացնում, որի վրա դեռևս երեկվանից ուշադրություն եմ դարձնում: Մինչև երեկ ԱԱԾ տնօրենը, ով հակահեղափոխական ժամանակաշրջանի ամենաազդեցիկ դեմքերից էր համարվում և նրան մշտապես գովեստի խոսքեր էին ձոնվում, երեկվանից այլևս դարձել է քննադատության թիրախ, և ամենախիստ քննադատությունների ու որակումների է արժանանում»,- նկատեց Ի. Տոնոյանը:
Վերջինս դժվարացավ գնահատական տալ Ա. Վանեցյանի ԱԱԾ տնօրենի պաշտոնում կատարած աշխատանքին, միաժամանակ նշեց, որ ԱԾ-ն այն կառույցն է, որի ՕԳԳ-ը գնահատելը շատ դժվար է, սակայն ընդհանուր առմամբ գնահատականը բացասական չէ: