Ճապոնական «Ֆուկուսիմա-1» ատոմակայանի օպերատոր հանդիսացող TEPCO ընկերությունը դադարեցրել է ատոմակայանի բարձ ռադիոակտիվության ջրի մաքրման աշխատանքները: Ճապոնական ԶԼՄ-ների հաղորդմամբ, TEPCO-ն իր որոշումը բացատրել է նրանով, որ ջրի մաքրման սարքի ճառագայթման մակարդակը բարձրանում է շատ ավելի արագ, քան սպասվում էր: Իսկ դրա բարձրացման պատճառները դեռեւս ճշտվում են: Հիշեցնենք, որ «Ֆուկուսիմա-1» -ի բարձ ռադիոակտիվ ջրի մաքրման աշխատանքները սկսվել են ուրբաթ օրը, սակայն դադարաեցվել են 5 ժամ հետո: Ներկայումս ատոմակայանի ստորգետնյա տարածքում կուտակված է 100 հազար տոննա ռադիոակտիվ ջուր: Դրա ծավալը օրական մեծանում է 500 տոննայով:

---