ՄՈՍԿՎԱ, 21 ՀՈՒՆՎԱՐԻ, ՆՈՅՅԱՆ ՏԱՊԱՆ: Մինչեւ այս տարվա կեսերը բոլոր խաղային հաստատությունները Մոսկվայից կհանվեն, հայտարարել է Մոսկվայի քաղաքապետ Յուրի Լուժկովը: Դրանից բացի, նա խոստացել է պատասխանատվության ենթարկել բոլոր նրանց, ովքեր կբացեն ընդհատակյա խաղատներ: Այժմ Մոսկվայում գործում են 555 խաղային հաստատություններ: Ռուսական «լասվեգասներ» պետք է հայտնվեն Կալինինգրադի մարզում, Ալթայի եւ Պրիմորիեի երկրամասերում, ինչպես նաեւ Ռոստովի մարզի եւ Կրասնոդարի երկրամասի միջեւ:

---