Հայաստանի հունահռոմեական ոճի ըմբշամարտի հավաքականը Բաքու չի մեկնի. ՀԱՕԿ-ն է որոշել
17-03-2010 20:14:00 | Հայաստան | Սպորտ
ԵՐԵՎԱՆ, 17 ՄԱՐՏԻ, ՆՈՅՅԱՆ ՏԱՊԱՆ: Հայաստանի հունահռոմեական
ոճի ըմբշամարտի հավաքականը չի մասնակցի ապրիլի 13-ից 18-ը Բաքվում
կայանալիք Եվրոպայի առաջնությանը: Այս մասին ArmSport.am-ին
հայտնեց Հայաստանի հավաքականի գլխավոր մարզիչ Լեւոն Ջուլֆալակյանը:
«Սա Հայաստանի Ազգային Օլիմպիական կոմիտեի որոշումն է: Դա
բացատրվում է նրանով, որ ավելի լավ է նախապատրաստվենք Մոսկվայում
սեպտեմբերի 6-ից 12-ը կայանալիք Աշխարհի 2010 թ. առաջնությանը:
Ներկա դրությամբ մենք ուսումնամարզական հավաք ենք անցկացնում
Երեւանում, որը կավարտենք մարտի 20-ին: Եւս մեկ հավաք կանցկացնենք
մարտի 31-ից ապրիլի 14-ը` Ծաղկաձորում, իսկ հունիսի 3-ից 6-ը
Թբիլիսիում կմասնակցենք միջազգային մրցաշարի»,- ասաց
Ջուլֆալակյանը: