ՆՅՈՒ ՅՈՐՔ, 29 ՀՈՒԼԻՍԻ, ՆՈՅՅԱՆ ՏԱՊԱՆ: ՄԱԿ-ի Գլխավոր վեհաժողովը կոնսենսուսով հուլիսի 28-ին Նավանետեմ Պիլլեյին հաստատել է մարդու իրավունքների գերագույն հանձնակատարի պաշտոնում, որից հետո նա ՄԱԿ-ի գլխավոր քարտուղար Պան Գի Մունի կողմից նշանակվել է այդ պաշտոնում: Հարավաֆրիկյան հանրապետությունից իրավաբան Ն.Պիլլեյը Հաագայի միջազգային քրեական դատարանի դատավոր է: Նա իր պարտականություններին ձեռնամուխ կլինի սեպտեմբերի 1-ից չորս տարի ժամկետով` այդ առանցքային պաշտոնում փոխարինելով Լուիզա Արբուրին: Պիլլեյին պաշտոնում հաստատելու կապակցությամբ իր հայտարարության մեջ գլխավոր քարտուղարը նշել է, որ մարդու իրավունքների համար պայքարը շարունակում է մնալ ՄԱԿ-ի աշխատանքի առաջնահերթություններից մեկը:

---