«ԱՄԲԵՐ» ՄԻՋԱԶԳԱՅԻՆ ՄՐՑԱՇԱՐԻ ՀԱՂԹՈՂ ԼԵՎՈՆ ԱՐՈՆՅԱՆԸ ՎԱՍՏԱԿԵՑ
14,5 ՄԻԱՎՈՐ
28-03-2008 18:50:00 | Ֆրանսիա | Սպորտ
ՆԻՍ, 28 ՄԱՐՏԻ, ՆՈՅՅԱՆ ՏԱՊԱՆ: Ֆրանսիայի Նիս քաղաքում
ավարտվեց «Ամբեր» միջազգային մրցաշարը: Լեւոն Արոնյանը, որը
նախավերջին փուլում 13,5 միավորով արդեն անհասանելի էր դարձել իրեն
հետապնդողներին` ժամանակից շուտ նվաճելով հաղթողի կոչումը, վերջին`
11-րդ,փուլում ոչ-ոքի խաղաց («կույր» եւ արագ շախմատում) Պետեր
Լեկոյի (Հունգարիա) հետ եւ մրցաշարը եզրափակեց 14,5 միավորով:
12-ական միավորով 2-5-րդ տեղը զբաղեցրին Վեսելին Թոփալովը
(Բուլղարիա), Վլադիմիր Կրամնիկը (Ռուսաստան), Պետեր Լեկոն
(Հունգարիա) եւ Մագնուս Կառլսենը (Նորվեգիա):
Կույր շախմատում 6,5 միավորով 1-4-րդ տեղը բաժանեցին
Լ.Արոնյանը, Վ.Թոփալովը, Վ.Կրամնիկը եւ Ալեքսանդր Մորոզեւիչը
(Ռուսաստան), իսկ արագում` 8 միավորով առաջինը ճանաչվեց
Լ.Արոնյանը: Նրան հաջորդեցին Վասիլի Իվանչուկը (Ուկրաինա)` 6,5
միավորով, Բորիս Գելֆանդը (Իսրայել), Պետեր Լեկոն եւ Մագնուս
Կառլսենը` 6-ական միավորով: