ԲԱՂԴԱԴ, 13 ՄԱՐՏԻ, ՆՈՅՅԱՆ ՏԱՊԱՆ: Բաղդադի կենտրոնում ահաբեկության հետեւանքով 18 մարդ զոհվել է, 64-ը` վիրավորվել: Ինչպես տեղեկացրել են ոստիկանության ներկայացուցիչները, ականապատված ավտոմեքենան, որ վարել է մահապարտ ահաբեկիչը, պայթել է կենտրոնական Թահրիր հրապարակում, որ գտնվում է իրաքյան մայրաքաղաքի «կանաչ գոտու» մոտ: Այդ հրապարակը, որտեղ տեղավորված են կենցաղային տեխնիկայի եւ հագուստի բազմաթիվ խանութներ ու կրպակներ, Բաղդադի բնակիչների այցելության սիրված վայրերից է:

---