ՀՈԿՏԵՄԲԵՐԻ 28-ԻՆ ԱՐԳԵՆՏԻՆԱՅՈՒՄ ԿԱՆՑԿԱՑՎԵՆ ՆԱԽԱԳԱՀԱԿԱՆ
ԸՆՏՐՈՒԹՅՈՒՆՆԵՐ
26-10-2007 14:46:00 | Արգենտինա | Միջազգային
ԲՈՒԵՆՈՍ ԱՅՐԵՍ, 26 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Կիրակի,
հոկտեմբերի 28-ին, Արգենտինայում կկայանան նախագահական
ընտրություններ: Պետական բարձրագույն պաշտոնին հավակնում են 14
թեկնածուներ, որոնք ներկայացնում են երկրի ողջ քաղաքական
գունապնակը:
Դիտորդների գնահատումներով, հիմնական պայքարը կծավալվի
Ագրենտինայի ներկայիս նախագահի տիկնոջ` Քրիստինա Կիրշների, որը
ամուսնու հիմնադրած «Հաղթանակի ճակատ» շարժման պաշտոնական
թեկնածուն է, եւ Քաղաքացիական կոալիցիայի առաջնորդ Էլիսա Կարրիոյի
միջեւ:
Երրորդ թեկնածուն, որը կարող է ազդել քվեարկության ելքի վրա,
էկոնոմիկայի նախկին նախարար Ռոբերտո Լավանիան է, որ ներկայացնում է
«Հանուն առաջադեմ ազգի» շարժումը:
Հասարակական կարծիքի վերջին հարցումների համաձայն, Քրիստինա
Կիրշներին պատրաստ են ձայն տալ ընտրողների 43%-ից ավելին, Էլիսա
Կարրիոյին` 16,8%, Ռոբերտո Լավանիային` 13,5%: