ՅՈՒՇՉԵՆԿՈՆ ԿՊԱՇՏՊԱՆԻ ՏԻՄՈՇԵՆԿՈՅԻ ԹԵԿՆԱԾՈՒԹՅՈՒՆԸ ՎԱՐՉԱՊԵՏԻ
ՊԱՇՏՈՆԻ ՀԱՄԱՐ
17-10-2007 18:00:00 | Ուկրաինա | Միջազգային
ԿԻԵՎ, 17 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ուկրաինայի նախագահ
Վիկտոր Յուշչենկոն հայտարարել է, որ վարչապետի պաշտոնի համար
կպաշտպանի ժողովրդավարական կոալիցիայի առաջարկած թեկնածությունը:
«Հենց Յուլյա Տիմոշենկոյի դաշինքը (ՅՈՒՏԴ) եւ «Մեր
Ուկրաինա-Ժողովրդական ինքնապաշտպանություն» (ՄՈՒԺԻ) դաշինքն են
վաղաժամկետ ընտրություններում ստացել ձայների մեծամասնությունը եւ
արդեն հայտարարել են կոալիցիա ձեւավորելու մտադրության մասին,
ինչպես նաեւ նախագահի քննությանն են ներկայացրել գործողությունների
ընդհանուր ծրագիր»,- նկատել է Յուշչենկոն ուկրաինական ժողովրդին
ուղղված իր հեռուստադիմումում:
«Նարնջագույն» կոալիցիան վարչապետի պաշտոնի համար կանխավ
առաջարկել էր Յուլյա Տիմոշենկոյի թեկնածությունը: