ՀՀ ԱՌՈՂՋԱՊԱՀՈՒԹՅԱՆ ՆԱԽԱՐԱՐԸ ԿՄԱՍՆԱԿՑԻ ԲԵՌԼԻՆՈՒՄ ԿԱՅԱՆԱԼԻՔ
ԱՀԿ-Ի ԵՎՐՈՊԱԿԱՆ ՏԱՐԱԾԱՇՐՋԱՆԻ ՆԱԽԱՐԱՐԱԿԱՆ ՖՈՐՈՒՄԻՆ
05-10-2007 20:55:00 | Հայաստան | Հասարակություն
ԵՐԵՎԱՆ, 5 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 22-ին
Բեռլինում կայանալու է Առողջապահության համաշխարհային
կազմակերպության (ԱՀԿ) Եվրոպական տարածաշրջանի «Բոլորն ընդդեմ
տուբերկուլյոզի» թեմայով նախարարական ֆորում, որին մասնակցելու է
նաեւ ՀՀ առողջապահության նախարար Հարություն Քուշկյանը: Ինչպես
«ՆՈՅՅԱՆ ՏԱՊԱՆ»-ի թղթակցին հայտնեց նախարարության Արտաքին կապերի
բաժնի գլխավոր մասնագետ նարինե Բեգլարյանը, ֆորումի ընթացքում
կքննարկվեն տուբերկուլյոզով, հատկապես դեղորայքակայուն,
հիվանդացության դեպքերի տարածվածությանը, բուժմանը նվիրված հարցեր:
Ըստ նրա, ֆորումի արդյունքում կընդունվի հռչակագիր, որով
յուրաքանչյուր երկրի համար կսահմանվեն պարտավորություններ այդ
հիվանդության դեմ պայքարը ուժեղացնելու նպատակով: