ԿՐԱՍՆՈԴԱՐՈՒՄ ՈՉ ԹՌԻՉՔԱՅԻՆ ԵՂԱՆԱԿԻ ՊԱՏՃԱՌՈՎ ՀԵՏԱՁԳՈՒՄ ԵՆ
ՎՐԱՍՏԱՆԻՑ ԵՎ ՀԱՅԱՍՏԱՆԻՑ ԱՆԼԵԳԱԼ ՄԻԳՐԱՆՏՆԵՐԻ ԱՐՏԱՔՍՈՒՄԸ
20-10-2006 16:06:00 | Ռուսաստան | Միջազգային
ԿՐԱՍՆՈԴԱՐ, 20 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Վրաստանից եւ
Հայաստանից 15 անլեգալ միգրանտների արտաքսումը, որ ծրագրված էր
Կրասնոդարում հոկտեմբերի 20-ին, հետաձգվում է վատ եղանակի
պատճառով,- հայտնել է ՌԴ ՄԴԾ Կրասնոդարի երկրամասի վարչության
ներկայացուցիչը: «Տվյալ քաղաքացիները, դատարանի որոշման համաձայն,
ենթակա են վարչական արտաքսման երկրամասի սահմաններից: Այսօր
առավոտյան ծրագրված էր նրանց թռիչքը Կրասնոդարի օդանավակայանից:
Սակայն ուժեղ մառախուղը առայժմ թույլ չի տալիս դա անել»,- ասել է
զրուցակիցը: Նա պարզաբանել է, որ Վրաստանի եւ Հայաստանի
քաղաքացիները մինչեւ արտաքսումը պահվել են ՆԳՎ հատուկ
ընդունարանում: «Հենց որ օդանավակայանի ծառայությունները թույլ
տան, մենք կսկսենք դեպորտացիան»,- ասել է զրուցակիցը: