ԵՐԵՎԱՆ, 27 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Բուլղարիայի Բուրգաս քաղաքում անցկացված ծանրամարտի Եվրոպայի երիտասարդական առաջնությունում 62 կգ քաշային Տիգրան Մարտիրոսյանը նվաճեց չեմպիոնի կոչում: Գյումրեցի մարզիկը պոկում վարժությունում բարձրացրեց 122,5 կգ, հրում վարժությունում` 150 կգ: Եվրոպայի առաջնությունում Հայաստանը ներկայացնող մյուս 2 ծանրորդները` Գեւորգ Պողոսյանը (77 կգ) եւ Կարեն Միրզոյանը (69 կգ), իրենց քաշային կարգերում գրավեցին համապատասխանաբար 4-րդ եւ 6-րդ տեղերը:

---