Մոսկուայի գրախանութները ողողված են հակահայկական
բովանդակութեամբ ադրբեջանական գրքերով,- ասում է ռուս քաղաքագէտը
20-01-2010 16:42:00 | Հայաստան | Քաղաքական
ԵՐԵՎԱՆ, 20 ՅՈՒՆՎԱՐԻ, ՆՈՅԵԱՆ ՏԱՊԱՆ: Մոսկուայի գրախանութները
ողողված են ադրբեջանական գրքերով, որոնցում պատմւում է «հայերի
ագրեսիաների» մասին եւ փորձ է արւում ապացուցել, թէ իբր հայերը
տարածաշրջանում յայտնուել են միայն 19-րդ դարում: Այս մասին
յունվարի 20-ի ասուլիսում յայտնեց ռուս քաղաքագէտ Վլադիմիր
Զախարովը: Ըստ նրա, բազմաթիւ մասնագէտներ պատրաստ են իրական
փաստերի հիման վրայ գրքեր գրել` ներկայացնելով պատմական
ճշմարտութիւնը, սակայն հովանաւորներ չկան: «Ըստ իս,
ադրբեջանցիների կազմակերպած հայկական ջարդերի վերաբերեալ նիւթերի
տարածման գործում պէտք է լինի պետական քաղաքականութիւն»,- նշեց
Վ.Զախարովը եւ յաւելեց, որ այդ հարցով պէտք է զբաղվի անձամբ ՀՀ
նախագահը:
Հայոց ցեղասպանութեան թանգարան-ինստիտուտի տնօրէն Հայկ
Դեմոյանի խօսքերով, եթէ նախկինում ադրբեջանցիները հակահայկական
թեմայով գրքերը տպում էին Ադրբեջանում եւ վատ որակով, ապա այժմ այդ
կարգի գրականութիւնը լոյս է տեսնում Մոսկուայում եւ ամենաբարձր
մակարդակով: Նա նշեց, որ ոչ միայն հակահայկական, այլեւ երբեմն
հակառուսական բովանդակութեամբ այդ գրքերը ոչ ոք չի կարողանում
հանել վաճառքից, քանի որ բիզնեսի օրենքներով տպագրությամբ զբաղվողը
շահագրգռուած է վաճառել իր արտադրանքը:
Հ.Դեմոյանը յայտնեց, որ Ադրբեջանում պատրաստւում են կառուցել
«ադրբեջանցիների ցեղասպանութեան» յհուշահամալիր այն վայրում, որտեղ
իրականում թաղված են ադրբեջանցիների կողմից սպանուած 200 հայ
մեծահարուստները եւ նրանց ընտանիքների անդամները: Այդ աբսուրդը
հերքելու համար Հայաստանը պատրաստ է ֆինանսապէս մասնակցել
աճիւնների ԴՆԹ-ի անալիզի անցկացմանը: