Բորիս Բերեզովսկուն սպառնում է 15 տարուայ բանտարկութիւն
09-06-2009 20:12:00 | Ռուսաստան | Միջազգային
ՄՈՍԿՈՒԱ, 9 ՅՈՒՆԻՍԻ, ՆՈՅԵԱՆ ՏԱՊԱՆ: Կրասնոգորսկի քաղաքային
դատարանում սկսուել են Բորիս Բերեզովսկու գործով կողմերի
վիճաբանությունները, որը մեղադրւում է ավտովազ-ից 143 մլն ռուբլու
հափշտակման մէջ: Հեռակայ կարգով անցկացուող դատաւարութեան ժամանակ
դատախազը պահանջել է օլիգարխին դատապարտել 15 տարուայ բանտարկութեան:
Բացի այդ, գործի շրջանակում հայց է ներկայացուել Սամարայի մարզի
ներկայացուցիչների օգտին խոշոր փոխհատուցման մասին: Վճռի արձակման
օրը յայտնի կդառնայ յունիսի 22-ից յետոյ:
Ներկայումս Ինտերպոլի ռուսական գրասենեակը շարունակում է
Բերեզովսկու հետախուզումը: Հանցագործին փնտրում են եօթ տարբեր
ազգանուններով, որ նա օգտագործել է տարբեր ժամանակ: Այժմ ձեռներեցը
բնակւում է Լոնդոնում: