ՄՈՍԿՈՒԱ, 2 ՅՈՒՆԻՍԻ, ՆՈՅԵԱՆ ՏԱՊԱՆ: Իսրայելը պատրաստ է
բանակցութիւններ սկսել Սիրիայի հետ անյապաղ եւ առանց
նախապայմանների, յայտարարել է Իսրայելի ԱԳՆ ղեկավար Ավիգդոր
Լիբերմանը ռուսաստանցի իր գործընկեր Սերգեյ Լաւրովի հետ
բանակցութիւններից յետոյ:
«Պատրաստ եմ այսօր Մոսկուայից թռչել Դամասկոս»,- ասել է
Իսրայելի ԱԳՆ ղեկավարը:
Ըստ որում Լիբերմանը յայտարարել է, որ «այն, ինչ պահանջում է
Սիրիան, որպէսզի Իսրայելը կանխավ համաձայնի վերադարձնել Գոլանի
բարձունքները վերադառնալով 1967 թուականի սահմաններին մինչեւ
բանակցութիւններն սկսելը, անընդունելի է»:
«Եթէ մենք նախապէս համաձայնենք հեռանալ այդ սահմանների
մօտ, ապա ինչի մասին մենք կարող ենք բանակցութիւններ վարել:
Նախապայմանների բացակայութիւնը հիմնական պայմանն է ուղիղ, բաց
բանակցութիւններ սկսելու համար»,- ընդգծել է Իսրայելի ԱԳՆ ղեկավարը: