Թոր Լիանը հետագայում ևս կաջակցի Հայաստանի հանդբոլի ֆեդերացիային
14-11-2011 23:46:51 | Հայաստան | Սպորտ
Վարչապետ Տիգրան Սարգսյանը կառավարությունում ընդունել է Եվրոպայի հանդբոլի ֆեդերացիայի նախագահ Թոր Լիանին: Զրուցակիցները քննարկել են մեր երկրում մարզաձեւի զարգացմանն ու մասսայականացմանն առնչվող հարցեր: Տիգրան Սարգսյանը կարեւորել է Եվրոպայի հանդբոլի ֆեդերացիայի եւ այս մարզաձեւի Հայաստանի ֆեդերացիայի միջեւ համագործակցության խորացումը եւ հույս հայտնել, որ Թոր Լիանի այցը մեր երկիր նոր թափ կհաղորդի Հայաստանում հանդբոլի զարգացմանը:
Ըստ ՀՀ կառավարության Տեղեկատվության եւ հասարակայնության հետ կապերի վարչության հաղորդագրության, Թոր Լիանը, իր հերթին, պատրաստակամություն է հայտնել հետագայում եւս աջակցելու Հայաստանի հանդբոլի ֆեդերացիային՝ մարզաձեւի զարգացմանը նպաստելու նպատակով: