Ինչպես տեղեկացնում է Sky Sports-ը, Անգլիայի ֆուտբոլի ասոցիացիան (FA) նախազգուշացրել է Լոնդոնի «Չելսիի» գլխավոր մարզիչ Կառլո Անչելոտիին: Նախազգուշացման պատճառ է հանդիսացել Անգլիայի պրեմիեր լիգայի առաջնության 36-րդ տուրի «Մանչեսթեր Յունայթեդ» - «Չելսի» հանդիպման նախաղային ասուլիսը, որտեղ իտալացի մասնագետն իր բացասական կարծիքն է արտահայտել խաղի մրցավար Հովարդ Վեբի մասին եւ մասսայականորեն քննարկել է նրա աշխատանքը: Ըստ FA-ի կանոնադրության, մարզիչներն իրավունք չունեն քննադատելու մրցավարերին խաղից առաջ: Հավելենք, որ եւս մեկ նման նախազգուշացման դեպքում Անչելոտիին կսպասվի որակազրկում մի քանի խաղով:

---