ՍՏԵՓԱՆԱԿԵՐՏ, 8 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Լեռնային Ղարաբաղի հանրապետության նախագահ Բակո Սահակյանը դեկտեմբերի 8-ին այցելել է Ստեփանակերտի շախմատի տուն, որտեղ ընթանում էր ԼՂՀ պետական անկախության եւ Սահմանադրության տարեդարձին նվիրված թիմային մրցաշար: Բ.Սահակյանը կարեւորել է Արցախի եւ Հայաստանի շախմատի ֆեդերացիաների կողմից կազմակերպված նման միջոցառման անցկացումը մեր երկրում` այն համարելով հանրապետությունում սպորտի զարգացման կարեւոր խթաններից մեկը:

---