Մայիսի 13-ի, ժամը՝ 13.58-ին ահազանգ է ստացվել, որ Գեղարքունիքի մարզում՝ Սեւանա լճի Ճայերի կղզու մոտ շրջվել է ձկնորսական ռետինե նավակ, ինչի հետեւանքով ջրում է հայտնվել երկու քաղաքացի եւ անհրաժեշտ է փրկարարների օգնությունը: Դեպքի վայր է մեկնել հատուկ ջրափրկարարական ջոկատի հերթապահ խումբը: Ջրափրկարարները ջրից դուրս են բերել Երեւանի Շահումյան 17-րդ փողոցի թիվ 23 տան բնակիչներ՝ Արթուր եւ Հարություն Չիփչյաններին, որոնց ցուցաբերվել է անհրաժեշտ առաջին օգնություն: Ձկնորսությամբ զբաղվող քաղաքացիների անվտանգությունն ապահովելու նպատակով ջրափրկարարները Սեւանա լճից ափ են դուրս բերել 6 մարդ` երեք ռետինե նավակով:

---