Բնակարանաշինությունը Արցախում կկրի շարունակական բնույթ
30-11-2012 17:33:05 | | Տնտեսություն
Արցախի Հանրապետության Նախագահ Բակո Սահակյանը նոյեմբերի 30-ին այցելել է Ստեփանակերտ քաղաքի Թումանյան փողոցում գտնվող նորակառույց բնակելի շենք եւ ծանոթացել նրա պայմաններին:
Բակո Սահակյանը բնակարանաշինությունը համարել է հանրապետության սոցիալ-տնտեսական զարգացման կարեւոր ուղղություններից մեկը՝ նշելով, որ այս գործընթացը կկրի շարունակական բնույթ, եւ այսուհետ էլ նման հարմարավետ բնակարաններ կկառուցվեն հանրապետության տարբեր բնակավայրերում:
Այնուհետեւ Նախագահն այցելել է <<Սուր-Նարեկ>> ՍՊԸ շինանյութերի արտադրամաս եւ ծանոթացել այնտեղ իրականացվող աշխատանքներին: Նախագահ Սահակյանը կարեւորել է նման արտադրամասերի առկայությունը տեղական արտադրության խթանման տեսանկյունից:
Նախագահին ուղեկցում էին վարչապետ Արա Հարությունյանը, պաշտոնատար այլ անձինք: Այս մասին «ՆՏ»-ին հայտնեցին Արցախի Հանրապետության նախագահի աշխատակազմի տեղեկատվության գլխավոր վարչությունից:
ՀԱՅԵՐԵՆ
Русский
English
Դաս. հայերեն
French
