Սիրիայում իշխանությունները ՄԱԿ-ի՝ քիմիական զենքի փորձագետների առաքելությանը չէին թողել երկիր
30-04-2013 12:55:14 | Սիրիա | Միջազգային
Քիմիական զենքի կիրառման վտանգի առկայության պատճառով, անվտանգության խիստ միջոցառումներ են ձեռնարկվել Սիրիային սահմանակից թուրքական Հաթայ նահանգում, որտեղ բուժման նպատակով տեղափոխել են վիրավոր սիրիացիների: Նրանք գտնվում են հիվանդանոցի հատուկ բաժանմունքում և բուժանձնակազմը զննումները անց է կացնում հատուկ արտահագուստով՝ հնարավոր վարակումից զգուշանալու համար։
Սիրիայի կառավարությունը հայտարարություն է տարածել, որ Հալեպի նահանգում մարտի 19-ին ընդդիմության կողմից քիմիական զենք է կիրառվել։ Իսկ ընդդիմադիրներն իրենց հերթին պնդում են, որ Հոմսում՝ անցյալ տարվա դեկտեմբերին կառավարությունն է քիմիական զենք կիրառել: Հավելենք, որ Սիրիայի իշխանությունները հրաժարվել էին ՄԱԿ-ի՝ քիմիական զենքի փորձագետների առաքելությանը թողնել երկիր։